آیریلمایاق بیز

متن ترانه آیریلمایاق بیز

آیریلیق ایسته دین بودا آیریلیق
نه اولار گئتمه قال آیریلمایاق بیز
وارلیغین دونیادیر،یوخلوغون عذاب
نه اولار گئتمه قال آیریلمایاق بیز
هیجران دان دئییردین بودا او هیجران
دئیه سن هر عشقین هیجران رسمی دیر
نقدر عذابی شیرین اولسادا
آیریلیق اولومون دییگر ایسمی دیر
آیریلیق دئییردین بودا آیریلیق
بو گون گنجلیگیمین اولن گونودور
سن یاشا سئوگیلیم منی دوشونمه
بوگون طالعیمین دونن گونودور
گئتمه یی باشیندان سیله بیلمه دیم
سنی چوخ سئویردیم آما،بیلمه دین
باخ منی نه حالا سالدین سونوندا
نقدر ایسته دیم،اوله بیلمه دیم
آیریلیق دئییردین بودا آیریلیق
هر گونوم جهننم هر آنیم عذاب
سیتم دئییلمی بو؟ داها بس ندیر!
سن منی اوتلارا آتیب گئدیرسن
نییه یوللارینی یولوم کسمه دی
سن منی یادلارا ساتیب گئدیرسن
آیریلیق ایسته دین بودا آیریلیق
نه اولار گئتمه قال آیریلمایاق بیز
وارلیغین دونیادیر،یوخلوغون عذاب
نه اولار گئتمه قال آیریلمایاق بیز